من اشعار حامد زيد الاسطورة(( الفريسة))

[ندعوك للتسجيل في المنتدى أو التعريف بنفسك لمعاينة هذه الصورة]

//////// الـــفـــريـــســـة \\\\\\\\
هذا الخطا اللي مــا توقعت يخطيه
.......... شف كيف كشر طيب القلب نابه
أثر الحسد لا عشعش بصدر راعيه
.......... يجعل من قلوب الحبايب ذيابه
اللي تعلم من سكوتي تماديه
.......... علمني استقبل خطاه برحابه
والواجب انه لو جحد فزعتي فيه
.......... ما يجحد حقوق النسب والقرابه
وأنا اللي يوم ان المصايب تبكيه
.......... كنت أقرب إله بضيقته من ثيابه
اللي تعاف أوله ينعاف تاليه
.......... وأنا كفا صدري من الغيظ ما به
من لا وقف لي وقفة رجال ما ابيه
.......... يغني عن حضور المقفي غيابه
من لا فزع بالكايدة مع بني خيه
.......... وقت الرخا ما يحسب حساب لابه
علمت غيري كيف لاصد ماجيه
.......... وانا تعلمــت الصــبــر والصــلابــه
لأن الشجاع إن ما لقى من يواسيه
.......... إن ما نشته ما علمت بمصابه
مادام بعدي عن رفيقي بيرضيه
.......... نذر علي اني فــــلا اطق بابه
عيب التفت في جاه مخلوق وادعيه
.......... والمبتلي ساعة دعا مستجابه
الضعف ما طيقه ولا أطيق طاريه
.......... والدمع لا يرقى ولا يـنـرقــابــه
إن ما جمعت وجيه مـاأفرق وجيه
.......... ومن لا بنيته ماسعيت بخرابه
وانا لواني باألتفت باألتفت ليــه
.......... الرمح غالي والفريسه ذبابه
بدري عليه احسب له حساب واوجيه
.......... وبدري عليه يشيلني من حسابه
كأني عتـقتـه بأعـتقـه رأفـــة فـيــه
.......... إلا الطــلابـه مــاخشيت الطــلابـه
مهب على شانه . . عشان المشاريه
.......... سامحت طيشه وابتليت بعذابه
اليا كسر في خاطرك شخص تغليه
......... حتى المعاتب تستحي من عتابه
اللي سكن صدري من الغيض يكفيه
......... ملت تفـــاصـــيلي سكوت ورتابه
اللي بيدخل في مزاجي باأسويه
......... واأخاطب الغض الغليض بخطابه
مثل الغل اللي بأخذه منه بعطيه
......... ويسمع جوابي مثل ما اسمع جوابه
دام احـــتــرامي للــقــرابــه مــجــريــه
......... ياشـيــخ ملـعـون امـهـا من قــرابــه
لو كل شخص بيحتقر في باأخاويه
......... ما كان حزت من المراجل مهابه
ياهيه مثلي ما يقولون له هيه
......... مدري متى تــتـــعـــلمـــون الذرابه
اللي معلمك الكتابه على ايده
......... لمحة بصر ويبعثرك من كتابه
ومثلي لا من قلت لك قول يوفيه
......... والقرم لا من وكد العلم جابه
سمه تحدي سمه اللي تسميه
......... بس الوكاد انه مهوب استجابه
اللي مهب قد المواجه يخليه
......... ومن لا قدرت تهيبه منك هابه
الله يعز وجيه ويطمن وجيه
......... وحنا بشر لكن بشر وسط غابه
ومن لا فزع بالكايده مع بني خيه
......... وقت الرخا ما يحسب حساب لابه
تحياتي لكم

[ندعوك للتسجيل في المنتدى أو التعريف بنفسك لمعاينة هذه الصورة]
ياهيه مثلي ما يقولون له هيه
......... مدري متى تــتـــعـــلمـــون الذرابه
اللي معلمك الكتابه على ايده
......... لمحة بصر ويبعثرك من كتابه
ومثلي لا من قلت لك قول يوفيه
......... والقرم لا من وكد العلم جابه
سمه تحدي سمه اللي تسميه
......... بس الوكاد انه مهوب استجابه
اللي مهب قد المواجه يخليه
......... ومن لا قدرت تهيبه منك هابه
الله يعز وجيه ويطمن وجيه
......... وحنا بشر لكن بشر وسط غابه
ومن لا فزع بالكايده مع بني خيه
......... وقت الرخا ما يحسب حساب لابه

» الغدر ( حامد زيد )
» من اجمل قصايد حامد زيد

من اشعار حامد زيد الاسطورة(( الفريسة))

من اشعار حامد زيد الاسطورة(( الفريسة))

مواضيع مماثلة

مواضيع مماثلة