ناس كتير ممكن تكون عارفاك بضحكتك وان ابتسمتك بتلمع
بتفرح اللي قدامك وكمان ممكن تكون شخصيه كوميدية
بتخلي الناس تموت من الضحك وانت من جواك ميت
عايش حزين بس راسم علي وشك ضحكه
زي ما تقول بلياتشو ممكن يكون اصلا مهموم بس الضحكه مش بتفرقه
بتضحك بصوت عالي وفي نفس الوقت جواك بتصرخ
عينيك بتبكي..... وتقول من كتر الضحك
ومحدش حاسس بيك
تعيش وتموت وانت بتدور علي السعاده اصلك متعرفهاش ولا تعرف شكلها
مش عارف الناس بتضحك علي نكتك ولا عليك
وتحاول تخفف علي الناس .. تسأل عليهم وتحل مشاكلهم
وانت اصلا مشكله وحلها مش في ظهر الكتاب
وانت اللي عملت في نفسك كده
في اول مشكله حبست نفسك
لما صحابك باعوك افتكرت كل الناس زيهم
هربت مواجهتش قفلت علي نفسك الف باب وباب
مش عارف تضحك علشان جواك هموم الدنيا مخبيها
طلعها واصرخ كفايا تضحك علي نفسك
بلاش اغاني حزينه وكلام من ده
كن شجاع لمره واحده وقول اللي جواك
النوم و الشغل و الدراسه مش هينسوك
اصل عينيك مش هتكدب عليك
لو فاكر نفسك جبل افتكر كام مره بكيت ومن غير سبب
الجمعة مايو 29, 2015 4:28 pm
