احلى صدفه في حياتي يوم شفتك يا ملاك
واقترب قلبي لقلبك وامسكت ايدي يديك
وصار حبك يتزايد ياغلا مكثر غلاك
وصرت احبك واعتني بك لانني خايف عليك
صورك ربي وابدع في سماتك وحلاك
يعني اسمك ياحبيبي متّضح لايق عليك
الله الخالق عطاك واكرمك لمّا عطاك
العيون اللي غزتني وسلبت قلبٍ يبيك
لا تضايق في حياتك وانا عايشها معاك
بس ناظرني في عينك وانا ادري وشهو فيك
بخلص فحبك يا غالي واعشقك واتبع هواك
يعني عمري يا بعد عمري ترى فدوة عينيك
انت تستاهل احبك وانا استاهل غلاك
واعرف ان القلب ملكك وحدك ومالك شريك
العب بقلبٍ ملكته عايش برجوى رضاك
تركع عروقه وتسجد لانك بقلبي مليك
بس تذكر ان قلبي ما قوى الدنيا بلاك
لان عيوني ياعيوني من غلاتك ترتجيك
ون جا يومي يا حبيبي ادعلي واحسن عزاك
يكفي قلبي يموت عندك ويتكفن من يديك
عيد ميلادك الليله وعيد ميلادي لقاك
المشاعر زفت افراحي تبي تبارك عليكـ
الجمعة مايو 29, 2015 4:28 pm
