نسأل الله من كل ضيق(ن) افراج
والا المضاييق قادر ربك.... فرجها

ياكثر ما نجي ونروح مانحب الاحراج
لاهان قدري لجل نفسي... احرجها

ربع(ن) لفو نسمه مالها...... عجاج
وراحو من الضيق نسمه يامكبر عججها

وعر المواقف للمخاليق تسبب احراج
نسأل الله وعر المواقف يفكك مخارجها

وجزل المواقف مثل فلم(ن) ناجح بالأخراج
فاز اللي زين السوايا تابع مناهجها

وحد(ن)علي درب العز والطيب دراج
ووحد(ن)علي حسنات الافعال رجله يدرجها

لانخيته بأضيق الوقت مايجي بعذار وحجاج
حياتة بفعل طيبه وبالمراجل متوجها

فعل المراجل يصعب علي كل هراج
وماكل هراج فعل هرجت(ن) هرجها

ولايدور الطيب كل من كان دواج
بعض(ن)لجل المصالح رجله يسجها

مير نسأل الله من كل ضيق(ن) افراج
تري المضاييق قادر ربك....... فرجها

كلمات:-صقر الوادي/شادلي بن احمد بن جمعه بن سليمان بن سلمي الحمراني العازمي